Drie van CVO Brandwag se leerlinge het die Sentraal Transvaal streek verteenwoordig by die landswyetenniskampioenskappe wat gehou is op Bethlehem op die 26ste September 2008.
SD Mann het 'n goue medalje ontvang vir sy eerste plek in die seuns onder 19 afdeling.
Ons CVO roem sal bly lewe Deur deugde en vlyt opgebou Veelsydige kennis ons strewe Ons naam sal ons hanfhaaf getrou Ons kursusse sorg vir die liggaam Vir intellek siel en gees Die opleiding rus vir ons goed toe Om prakties en edel te wees
"Vir God, volk en taal" is ons leuse Ons mikpunt, die hoogste sukses Die staf moet plig ken en uitvoer Skoliere staan in vir die res Ons taal en geloof is pilare Ons wapen is hiervan, simbool Volkseie kultuur in ons are Ons hulde aan CVO skool
Wie is CVO Brandwag
CVO Brandwag is ‘n ouerskool wat eienaarskap neem van hulle kinders se opvoeding en dit nie aan die staat oorlaat nie. Die hoekstene van die opvoeding word gevorm deur ‘n Christelike-gereformeerde lewens- en wereldbeskouing, die uitlewing en uitbouing van die Afrikaner se volkseie geskiedenis, kultuur, taal en die verskaffing van gehalte onderwys.Dit is ons mening dat die staat nie hierdie waardes vir ons kinders bied nie. Inteendeel, hulle waardestelsel is nie Christelik nie en ook volksvreemd. Hierdie waardestelsel word op ‘n subtiele wyse verkoop en bevorder in die staat se leermateriaal. CVO Brandwag is gebore uit die versigting van Christelik Afrikaner ouers om vir hulle kinders die waardes soos bo genoem te bied. Die skool bestaan al sedert 1992 en is geakrediteer deur UMALUSI en is geregstreer by die onderwysdepartement. CVO Brandwag is nie gerig op winsbejag nie en alle fondse wat ge-in word, word aan die skool spandeer. Alhoewel die standaard en gehalte van onderrig die van staatskole by vere oorskry, is die skoolfonds kompenteerend met die van staatskole.